വിവാഹ ചടങ്ങിനിടെ കോണ്‍ഗ്രസ് എംഎല്‍എയ്ക്ക് കുത്തേറ്റു; പ്രതി അറസ്റ്റില്‍

ബെംഗളൂരു: വിവാഹ ചടങ്ങിനിടെ കര്‍ണാടക മുന്‍ മന്ത്രിയും കോണ്‍ഗ്രസ് എംഎല്‍എയുമായ തന്‍വീര്‍ സേട്ടിന് കുത്തേറ്റു. മൈസൂരുവില്‍ ഞായറാഴ്ച രാത്രിയിലായിരുന്നു സംഭവം. തന്‍വീര്‍ സേട്ടിനെ ഉടന്‍ തന്നെ ആശുപത്രിയിലെത്തിച്ച് ശസ്ത്രക്രിയക്ക് വിധേയനാക്കി.

സംഭവത്തില്‍ 25കാരനായ ഫര്‍ഹാന്‍ പാഷ എന്നയാളാണ് പൊലീസ് അറസ്റ്റ് ചെയ്തു. വിവാഹ വേദിയില്‍ ഇരിക്കുന്നതിനിടെ ഇയാള്‍ കത്തിയെടുത്ത് എംഎല്‍എയെ കുത്തിപരിക്കേല്‍പ്പിക്കുകയായിരുന്നു.

അക്രമിയെ ചോദ്യം ചെയ്ത് വരികയാണെന്ന് പോലീസ് അറിയിച്ചു. നരസിംഹരാജ മണ്ഡലത്തിലെ എംഎല്‍എയാണ് തന്‍വീര്‍ സേട്ട്.

Top