കണ്ണൂര്: കരിപ്പൂര് സ്വര്ണക്കടത്ത് കേസില് മുഖ്യ പ്രതി അര്ജുന് ആയങ്കിക്കെതിരെ കാപ്പ ചുമത്തി. അര്ജുന് കണ്ണൂര് ജില്ലയില് പ്രവേശനത്തിന് വിലക്കേര്പ്പെടുത്തി. ഡിഐജി രാഹുല് ആര്. നായരാണ് ഉത്തരവിറക്കിയത്.
കണ്ണൂര് സിറ്റി പോലീസ് കമ്മിഷണറുടെ ശുപാര്ശ പ്രകാരമാണ് റേഞ്ച് ഡിഐജി ഉത്തരവ് പുറത്തിറക്കിയത്. നിലവില് കസ്റ്റംസ് കേസിലെ ജാമ്യ വ്യവസ്ഥയില് തുടരുകയാണ് അര്ജുന് ആയങ്കി. സ്വര്ണക്കടത്ത്, ക്വട്ടേഷന് കേസുകളില് ഉള്പ്പെട്ട അര്ജുന് ആയങ്കി സ്ഥിരം കുറ്റവാളിയാണെന്ന് ചൂണ്ടിക്കാട്ടിക്കൊണ്ടാണ് കാപ്പ ചുമത്താന് സിറ്റി പൊലീസ് കമ്മിഷണര്ക്കും ജില്ലാ കളക്ടര്ക്കും ശുപാര്ശ നല്കിയിരുന്നത്.