കണ്ണൂര്: കണ്ണൂരില് ജീപ്പ് പുഴയിലേക്കു മറിഞ്ഞു കാണാതായ യുവാവിന്റെ മൃതദേഹം കണ്ടെത്തി. മണിക്കടവ് കോളിത്തട്ട് സ്വദേശി ലിധീഷ് കാരിത്തടത്തിലിന്റെ മൃതദേഹമാണു കണ്ടെത്തിയത്.
ഞാറാഴ്ചയായിരുന്നു അപകടം. ഇരിട്ടി മണിക്കടവ് മാട്ടറ ചപ്പാത്ത് പാലം കടക്കുമ്പോഴാണ് ജീപ്പ് ഒഴുക്കില്പ്പെട്ടത്. ജീപ്പിലുണ്ടായിരുന്ന മൂന്നുപേര് നീന്തി രക്ഷപ്പെട്ടു. ഇരിട്ടിയില്നിന്നെത്തിയ അഗ്നിരക്ഷാസേനയും ഉളിക്കല് പോലീസും നാട്ടുകാരും ചേര്ന്നു തെരച്ചില് നടത്തിയെങ്കിലും കണ്ടെത്താനായിരുന്നില്ല. തുടര്ന്ന് ജില്ലാ കലക്ടര് ഏഴിമല നാവിക അക്കാദമിയുടെ സഹായം തേടി.