കണ്ണന് താമരക്കുളം സംവിധാനം ചെയ്യുന്ന ‘മരട് 357’ മരടിലെ ഫ്ലാറ്റ് വിഷയം ബന്ധപ്പെട്ടുള്ള സിനിമയാണ്. ഇപ്പോള് ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി.
പട്ടാഭിരാമന് എന്ന ഹിറ്റ് ചിത്രത്തിന് ശേഷം കണ്ണന് താമരക്കുളം ഒരുക്കുന്ന ചിത്രമാണിത്. അബാം മൂവീസിന്റെ ബാനറില് അബ്രഹാം മാത്യു ആണ് ചിത്രം നിര്മിക്കുന്നത്. മരട് ഫ്ലാറ്റ് ഒഴിപ്പിക്കലും മറ്റുമായി ബന്ധപ്പെട്ട കഥ പറയുന്ന ചിത്രത്തിന്റെ തിരക്കഥ എഴുതിയിരിക്കുന്നത് ദിനേശ് പള്ളത്താണ്.
ചിത്രത്തിന്റെ ഛായാഗ്രഹണം രവി ചന്ദ്രനാണ്. കൈതപ്രം, മുരുകന് കാട്ടാക്കട എന്നിവര് ഗാനരചന നിര്വഹിക്കുന്നു. സംഗീതം ഫോര് മ്യൂസിക്സ്, ബാക്ക്ഗ്രൗണ്ട് മ്യൂസിക് സാനന്ദ് ജോര്ജ്, കലാ സംവിധാനം സഹസ് ബാല. പ്രൊഡക്ഷന് കണ്ട്രോളര് ബാദുഷയുമാണ്.