കങ്കണയെ വിമര്ശിക്കുന്നവര്ക്കെതിരെ രംഗത്തെത്തി സഹോദരി രംഗോലി റണാവത്ത്. മോദി വിരുദ്ധരും പാക്കിസ്ഥാന് സ്നേഹികളുമാണ് കങ്കണയെ വിമര്ശിക്കുന്നതെന്നാണ് രംഗോലി പറയുന്നത്. ട്വിറ്ററിലൂടെയാണ് കങ്കണയെ വിമര്ശിക്കുന്നവര്ക്കെതിരേ താരം ആരോപണം ഉന്നയിച്ചത്.
‘കങ്കണയെ വെറുക്കുന്നവര്ക്ക് പൊതുവായി ചില സ്വഭാവങ്ങളുണ്ട്. അവരുടെ ട്വിറ്റര് അക്കൗണ്ടുകള് പരിശോധിച്ചാല് അതു വ്യക്തമാകും. അവര് ഒന്നുകില് ഹിന്ദുത്വത്തിനെതിരായി നില്ക്കുന്നവരായിരിക്കും, അല്ലെങ്കില് പ്രധാനമന്ത്രി നരേന്ദ്ര മോദിയെ വെറുക്കുന്നവരായിരിക്കും. പാക്കിസ്ഥാനെ സ്നേഹിക്കുന്നവരായിരിക്കും. അക്രമണ സ്വഭാവമുള്ളവരുമായിരിക്കും.’ രംഗോലി ട്വീറ്റ് ചെയ്തു.
Please keenly observe all Kangana haters, scroll down their tweeter handles, with in few tweets you will know they all have few things in common they are hindu phobic, NaMo hater, Pakistan lover, passive aggressive nature…(contd) https://t.co/9y8Kxf9nZc
— Rangoli Chandel (@Rangoli_A) July 8, 2019
മോദിയെ പിന്തുണയ്ക്കുന്നതുകൊണ്ടാണ് കങ്കണയെ ആളുകള് പരസ്യമായി വിമര്ശിക്കുന്നത്. കങ്കണയെ വിമര്ശിക്കുന്നവര്ക്കിടയില് ഈ പ്രത്യേകതയില്ലാത്ത ഒരാളെ കാണിച്ചു തരികയാണെങ്കില് താന് ട്വിറ്റര് അക്കൗണ്ട് അടച്ചുപൂട്ടാമെന്നും രംഗോലി പറയുന്നു.