ന്യൂസിലാന്റിലെ ഭീകരാക്രമണത്തിൽ 50 പേർ കൊല്ലപ്പെട്ട സംഭവത്തിൽ ആദരാഞ്ജലിയർപ്പിച്ച് ന്യൂസിലാന്റ് ക്രിക്കറ്റ് ടീം ക്യാപ്റ്റൻ കെയ്ൻ വില്ല്യംസ് ഫേസ്ബുക്കിൽ പോസ്റ്റ് ചെയ്ത ചിത്രം വൈറലാകുന്നു. നിസ്കരിക്കാനായി നിരന്നു നില്ക്കുന്നവരെ ന്യൂസിലന്റിന്റെ അനൗദ്യോഗിക ചിഹ്നമായ സില്വര് ഫേണിന്റെ രൂപത്തില് വരച്ച ചിത്രമാണ് വൈറലായിരിക്കുന്നത്. ഭീകരാക്രമണത്തെ തുടര്ന്ന് ന്യൂസിലന്റില് നടന്ന ഐക്യദാര്ഢ്യ പരിപാടിയുടെ പ്രചരണാര്ഥം സിംഗപൂരിലെ കലാകാരനായ കെയ്ത് ലീ വരച്ച ചിത്രമാണിത്.
പള്ളിയിലേക്ക് ഭീകരൻ തോക്കുമായി കയറുമ്പോൾ ‘ഹലോ സഹോദരാ’ എന്നുപറഞ്ഞാണ് പള്ളിയിലുണ്ടായിരുന്ന വൃദ്ധൻ സ്വാഗതംചെയ്തത്. വൃദ്ധനോടുള്ള ആദരസൂചകമായി അദ്ദേഹത്തിന്റെ വാക്കുകളും പോസ്റ്ററിലുണ്ട്. ആ വൃദ്ധനേയും വെടിവെച്ചിട്ടാണ് ഇയാള് കൂട്ടക്കൊല തുടരുന്നത്.
ക്രൈസ്റ്റ് ചര്ച്ച് ഭീകരാക്രമണത്തിന്റെ ഞെട്ടല് പങ്കുവെക്കുന്ന കുറിപ്പും ന്യൂസിലന്റ് ക്രിക്കറ്റ് ടീം ക്യാപ്റ്റനായ കെയ്ന് വില്യംസണ് ഔദ്യോഗിക ഇന്സ്റ്റഗ്രാമില് പങ്കുവെച്ചിട്ടുണ്ട്.
‘മറ്റ് ന്യൂസിലന്റുകാരെ പോലെ ഇനിയും എന്താണ് സംഭവിച്ചതെന്ന് ഉള്ക്കൊള്ളാനായിട്ടില്ല. രാജ്യം ഇത്രമേല് സ്നേഹത്തിനായി ദാഹിക്കുന്ന മറ്റൊരുഘട്ടമുണ്ടായിട്ടില്ല. രാജ്യത്തെ മുസ്ലിങ്ങള്ക്കും ഭീകരാക്രമണത്തില് ഇരകളായവര്ക്കും അവരുടെ ബന്ധുമിത്രാദികള്ക്കും ഒപ്പം ഹൃദയം നുറുങ്ങിയ ഓരോ ന്യൂസിലന്റുകാരനും എന്റെ ഐക്യദാര്ഢ്യം പങ്കുവെക്കുന്നു. വരൂ, നമുക്കൊന്നിച്ചു നില്ക്കാം’ കെയ്ന് വില്യംസണ് കുറിപ്പില് പറയുന്നു.