കോട്ടയം: കെ എം മാണിയെ ജയിപ്പിക്കാൻ സിപിഎം എന്തിനാണ് വാശികാണിക്കുന്നതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. മാണിയുമായുള്ള കൂട്ടുകെട്ട് ഇടത് രാഷ്ട്രീയത്തിൽ നിന്നുള്ള വ്യതിചലനമാണെന്നും കാനം കുറ്റപ്പെടുത്തി.
രാഷ്ട്രീയം ശുദ്ധീകരിച്ചെന്ന് പിണറായി പറഞ്ഞത് ഈ കൂട്ടുകെട്ടിനെക്കുറിച്ചാണോയെന്നും കാനം പരിഹസിച്ചു. കൊക്കിന്റെ തലയിൽ എണ്ണവച്ച് പിടിക്കാമെന്ന തന്ത്രത്തോട് യോജിപ്പില്ല. ആറിനേക്കാൾ വലുതാണ് പത്തൊൻപത്. മാണിയെ സിപിഐക്ക് ഭയമില്ലെന്നും കാനം പറഞ്ഞു. മാണിയെ ജയിപ്പിക്കേണ്ട ബാധ്യത സിപിഐക്കില്ല.
കോണ്ഗ്രസിനോട് അയിത്തമില്ല. കോണ്ഗ്രസിനോട് കൂടാത്തവരായി ആരാണുള്ളത്. വര്ഗ്ഗീയതയും ഫാസിസവും ആണ് ശത്രുക്കൾ.
വിശാഖപട്ടണം പാർട്ടി കോൺഗ്രസ് പ്രമേയമാണോ കോട്ടയത്ത് നടപ്പാക്കിയതെന്ന് സിപിഎം പറയണം. മുന്നണിയിൽ ആരെയെങ്കിലും ചേർക്കണമെങ്കിൽ എൽഡിഎഫിൽ ആലോചിക്കണം. ആ ആലോചന ഇതുവരെ ഉണ്ടായിട്ടില്ലെന്നും കാനം പറഞ്ഞു.