കൊച്ചി: ഇന്ത്യയിലെ പ്രമുഖ ആഭരണ ബ്രാന്ഡുകളിലൊന്നായ കല്യാണ് ജ്വല്ലേഴ്സ് ഈ വർഷത്തെ ഫോർച്യൂണ് ഇന്ത്യ 500 ലിസ്റ്റില് ഇടം പിടിച്ചു. ഫോർച്യൂണ് ഇന്ത്യ മാഗസിന് തയാറാക്കുന്ന, ഇന്ത്യയിലെ ഏറ്റവും വലിയ കോർപറേറ്റുകളുടെ പട്ടികയില് നൂറ്റിയറുപത്തിനാലാമതാണ് കല്യാണ് ജ്വല്ലേഴ്സ്. ആദ്യമായാണ് കല്യാണ് ജ്വല്ലേഴ്സ് പട്ടികയില് ഇടം നേടുന്നത്.
കല്യാണ് ജ്വല്ലേഴ്സ് ഫോർച്യൂണ് ഇന്ത്യ 500 ലിസ്റ്റില് ഇടം പിടിച്ചത് ഏറെ അഭിമാനകരമായി കാണുന്നുവെന്ന് ചെയര്മാനും മാനേജിങ് ഡയറക്ടറുമായ ടി.എസ്.കല്യാണരാമന് പറഞ്ഞു. ഉപയോക്താക്കള്ക്ക് ഏറ്റവും മികച്ചത് നൽകുവാനുള്ള ഞങ്ങളുടെ പ്രതിബദ്ധതയും ഉപയോക്താക്കളുടെ പിന്തുണയുമാണ് ഈ നേട്ടത്തിലെത്തിച്ചത്. തുടർന്നും ഉപയോക്താക്കള്ക്ക് മികച്ച സേവനം നല്കുവാൻ പ്രചോദനമേകുന്നതാണ് ഈ നേട്ടമെന്നും അദ്ദേഹം പറഞ്ഞു.
വിറ്റുവരവിന്റെയും മൊത്തവരുമാനത്തിന്റെയും അടിസ്ഥാനത്തില് ഇന്ത്യയിലെ ഏറ്റവും വലിയ 500 കമ്പനികളുടെ പട്ടികയാണ് ഫോർച്യൂണ് ഇന്ത്യ 500 ലിസ്റ്റ്. റിലയന്സ് ഇന്ഡസ്ട്രീസാണ് പട്ടികയില് ഒന്നാമത്. 2019 ല് ഡിലോയിറ്റിന്റെ ഗ്ലോബൽ ടോപ് 100 ലക്ഷ്വറി ബ്രാന്ഡ്സ് ലിസ്റ്റിലും കല്യാണ് ജ്വല്ലേഴ്സ് സ്ഥാനം നേടിയിരുന്നു