കാബൂള്: കാബൂള് വിമാനത്താവളത്തില് വെടിവയ്പ്പ്. നിരവധി പേര് മരണപ്പെട്ടതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. ഹമീദ് കര്സായ് രാജ്യാന്തര വിമാനത്താവളത്തില് വെടുവയ്പ്പ് തുടരുന്നെന്ന് ടോളോ ന്യൂസ് റിപ്പോര്ട്ട് ചെയ്തു.
രാജ്യം വിടാന് എത്തിയവരുടെ തിക്കും തിരക്കനെയും തുടര്ന്നാണ് കാബൂള് വിമാനത്താവളത്തില് വെടിവെയ്പ് ഉണ്ടായതെന്നാണ് റിപ്പോര്ട്ട്. കാബൂള് നഗരം താലിബാന് പിടിച്ചെടുത്തതോടെ രാജ്യത്തുനിന്നും രക്ഷപ്പെടുത്തതിനായി ആളുകള് കൂട്ടമായെത്തിയതാണ് സംഘര്ഷത്തിനിടയാക്കിയത്. തിക്കും തിരക്കും നിയന്ത്രിക്കാന് സുരക്ഷാ ഉദ്യോഗസ്ഥര് വെടിവയ്ക്കുകയായിരുന്നുവെന്നും റിപ്പോര്ട്ടുണ്ട്.
തുടര്ന്ന് വിമാനത്താവളം അടച്ചിട്ട് മുഴുവന് സര്വ്വീസുകളും നിര്ത്തിവെച്ചു. എന്നാല് വ്യോമയാന ഗതാഗത നിയന്ത്രണം അമേരിക്ക ഏറ്റെടുത്തിട്ടുണ്ട്. കാനഡയും അമേരിക്കയും ഹെലികോപ്ടര് മാര്ഗമാണ് എംബസ്സി ഉദ്യോഗസ്ഥരെ ഒഴിപ്പിച്ചത്.
ഇന്നലെ രാവിലെയോടെ താലിബാന് അഫ്ഗാന് തലസ്ഥാനമായ കാബൂളില് പ്രവേശിച്ചതിന് പിന്നാലെ ഉച്ചയോടെയാണ് അഫ്ഗാന് സര്ക്കാര് താലിബാന് കീഴടങ്ങിയെന്ന വാര്ത്ത പുറത്തു വരുന്നത്.