തിരുവനന്തപുരം: സംസ്ഥാനത്ത് നിയമസഭ തെരഞ്ഞെടുപ്പിന് മുന്നോടിയായി കേരളാ യാത്രയ്ക്കൊരുങ്ങി ബിജെപി. സംസ്ഥാന അധ്യക്ഷന് കെ. സുരേന്ദ്രന് നയിക്കുന്ന യാത്ര ഫെബ്രുവരി 20ന് ആരംഭിക്കും. സ്ഥാനാര്ത്ഥി നിര്ണയം ചര്ച്ച ചെയ്യുന്നതിനായി ബിജെപി സംസ്ഥാന സമിതി യോഗം ഈ മാസം 29ന് തൃശൂരില് ചേരും. ഫെബ്രുവരി 20 മുതല് മാര്ച്ച് അഞ്ച് വരെ കേരള യാത്ര എന്നതാണ് നിലവിലെ തീരുമാനം.
കേന്ദ്ര ചുമതലയുള്ള സി.പി. രാധാകൃഷ്ണന് ബിജെപി മണ്ഡലം നേതൃയോഗങ്ങളില് പങ്കെടുക്കും. സി.പി. രാധാകൃഷ്ണന്, ജെ.പി. നദ്ദ തുടങ്ങിയവര് ആര്എസ്എസ് നേതൃത്വവുമായി കൂടിക്കാഴ്ച നടത്തും. ന്യൂനപക്ഷ വോട്ടുകള് ഏകീകരിക്കപ്പെടുമെന്ന ഭീതി ബിജെപിക്കുണ്ട്. ക്രൈസ്തവ വിഭാഗത്തെ ഒപ്പം നിര്ത്താന് പരമാവധി ശ്രമിക്കണമെന്നാണ് നിര്ദേശം.