തിരുവനന്തപുരം: സ്വര്ണ്ണക്കടത്തു കേസില് ജനം ടിവിയിലെ മാധ്യമ പ്രവര്ത്തകന് അനില് നമ്പ്യാരെ കസ്റ്റംസ് ചോദ്യം ചെയ്യുന്നതില് പ്രതികരിച്ച് ബിജെപി സംസ്ഥാന അധ്യക്ഷന് കെ സുരേന്ദ്രന്. സ്വര്ണ്ണക്കടത്തു കേസുമായി ബിജെപിക്ക് യാതൊരു ബന്ധവുമില്ല. കേസില് പ്രതിയായ സന്ദീപ് നായര് ബിജെപി പ്രവര്ത്തകനല്ലെന്നും സുരേന്ദ്രന് പറഞ്ഞു.
കൊച്ചിയിലെ കസ്റ്റംസ് ഓഫീസിലാണ് അനില് നമ്പ്യാരെ ചോദ്യം ചെയ്യുന്നത്. ജൂലൈ അഞ്ചിന് ഡിപ്ലോമാറ്റിക് ബാഗ് തുറന്ന് സ്വര്ണ കണ്ടെടുത്ത ദിവസം സ്വപ്നയും അനില് നമ്പ്യാരുമായി രണ്ടു തവണ ഫോണില് സംസാരിച്ചതായി കസ്റ്റംസ് കണ്ടെത്തിയിരുന്നു. ഈ ഫോണ് വിളി സംബന്ധിച്ച് സ്വപ്ന കസ്റ്റംസിന് മൊഴിയും നല്കിയിട്ടുണ്ട്. ഇക്കാര്യങ്ങള് കസ്റ്റംസ് അനില് നമ്പ്യാരില് നിന്ന് മൊഴിയെടുക്കും. മൊഴികളില് പൊരുത്തക്കേടുണ്ടോ എന്നറിയുകയാണ് പ്രധാന ഉദ്ദേശ്യം.