തിരുവനന്തപുരം: ബാബറി മസ്ജിദ് തകര്ത്ത കേസില് വിധി വന്നതോടെ മൂന്ന് പതിറ്റാണ്ടുകാലത്തെ വേട്ടയാടല് അവസാനിച്ചെന്ന് ബി.ജെ.പി സംസ്ഥാന അധ്യക്ഷന് കെ.സുരേന്ദ്രന്. കോണ്ഗ്രസും കപട മതേതര രാഷ്ട്രീയക്കാരും ബിജെപിക്കെതിരേ നടത്തിയ നുണപ്രചരണങ്ങളെല്ലാം പൊളിഞ്ഞെന്നും സുരേന്ദ്രന് പറഞ്ഞു.
ഇതിന്റെ പേരില് രാജ്യത്തെ ഭിന്നിപ്പിക്കാന് ശ്രമിച്ചതിന് കോണ്ഗ്രസ് മാപ്പ് പറയണം. എല്.കെ അദ്വാനി ഉള്പ്പെടെയുള്ള സമുന്നതരായ നേതാക്കളെ കരിവാരിത്തേച്ചവരുടെ മുഖത്തേറ്റ പ്രഹരമാണ് ഈ വിധി. വിദ്വേഷ പ്രചരണം നടത്തിയ മതേതര രാഷ്ട്രീയ പാര്ട്ടികളുടെ മുഖംമൂടി അഴിഞ്ഞു വീണു കഴിഞ്ഞു. പള്ളി തകര്ത്ത സംഭവം ആസൂത്രിതമല്ലെന്ന ബിജെപിയുടെ നിലപാട് കോടതി അംഗീകരിച്ചിരിക്കുകയാണെന്നും സുരേന്ദ്രന് പറഞ്ഞു.