കോഴിക്കോട്: കേരള ക്രിക്കറ്റ് അസോസിയേഷെതിരെ ആരോപണവുമായി ബിജെപി സംസ്ഥാന അധ്യക്ഷന് കെ സുരേന്ദ്രന്. കേരള ക്രിക്കറ്റ് അസോസിയേഷന് വെള്ളാനയാമെന്നും ശതകോടികളുടെ അഴിമതിയാണ് കെസിഎയില് നടന്നതെന്നും സുരേന്ദ്രന് ആരോപിച്ചു.
അഴിമതി പണം ലഹരി ഇടപാടിന് ഉപയോഗിച്ചതായി സംശയിക്കുന്നു. ബിനീഷ് കോടിയേരിയുടെ സുഹൃത്ത് മുഹമ്മദ് അനസിന്റെ തലശ്ശേരിയിലെ വീട്ടില് എന്ഫോഴ്സ്മെന്റ് റെയ്ഡിന് എത്തിയത് പിന്നാലെയാണ് സുരേന്ദ്രന്റെ ആരോപണം. ക്രിക്കറ്റ് അസോസിയേഷന് കണ്ണൂര് ജില്ലാ സെക്രട്ടറിയാണ് അനസ്. ഇയാളുമായി 2012 വരെ ബിനീഷിന് ബിസിനസ് പങ്കാളിത്തമുണ്ടായിരുന്നു.
ബിനീഷിനെതിരായ ഇഡി അന്വേഷണം സി.പി.എമ്മിന്റെ അപചയത്തിന് തെളിവാണെന്നും സുരേന്ദ്രന് പറഞ്ഞു. സി.പി.എം കേന്ദ്ര നേതൃത്വവും കേരളത്തിലെ അഴിമതിയുടെ പങ്ക് പറ്റിയിട്ടുണ്ട്. അതുകൊണ്ടാണ് കേന്ദ്രം കോടിയേരിയെയും പിണറായിയെയും സംരക്ഷിക്കുന്നത്. ധാര്മികത ഉണ്ടെങ്കില് പിണറായിയേയും കോടിയേരിയേയും സ്ഥാനങ്ങളില് നിന്ന് നീക്കം ചെയ്യണമെന്നും സുരേന്ദ്രന് ആവശ്യപ്പെട്ടു.