തിരുവനന്തപുരം: പി.കെ.കുഞ്ഞനന്തന്റെ മരണത്തില് അനുശോചനം അറിയിച്ച് ആരോഗ്യ മന്ത്രി കെ.കെ. ശൈലജ. എതിര്ക്കുന്നവര് പോലും അംഗീകരിക്കുന്ന സംഘാടനപാടവവും ധീരതയും പി.കെ.കുഞ്ഞനന്തന്റെ പ്രത്യേകതയായിരുന്നുവെന്ന് മന്ത്രി ഓര്മ്മിച്ചു.
പാനൂരില് പാര്ട്ടി കെട്ടിപ്പടുക്കുന്നതില് മുന്നിരയില് പ്രവര്ത്തിച്ച സഖാവിന്റെ വിയോഗം പാര്ട്ടിക്കും പാനൂര് മേഖലയിലെ ജനങ്ങള്ക്കും തീര്ത്താല് തീരാത്ത നഷ്ടമാണെന്നും മന്ത്രി പറഞ്ഞു.
കക്ഷി-രാഷട്രീയ ഭേദമെന്യേ നാട്ടുകാര്ക്ക് അദ്ദേഹം കുഞ്ഞനന്തേട്ടന് ആയിരുന്നു. പാനൂരിലെ കമ്മ്യൂണിസ്റ്റ് പ്രസ്ഥാനത്തിന്റെ ഊര്ജ്ജമാണ് സഖാവ് കുഞ്ഞനന്തേട്ടന്. എല്ലാ വിഭാഗം ജനങ്ങളോടും അടുപ്പം വെച്ച് പുലര്ത്തിയിരുന്ന കുഞ്ഞനന്തേട്ടന്റെ വിയോഗത്തില് സഖാക്കള്ക്കും ബന്ധുക്കള്ക്കും ഉണ്ടായ ദുഃഖത്തില് പങ്കുചേരുന്നുവെന്നും ആരോഗ്യ മന്ത്രി പറഞ്ഞു.