തിരുവനന്തപുരം: മാധ്യമപ്രവര്ത്തകന് കെ. മുഹമ്മദ് ബഷീറിനെ വാഹനമിടിച്ച് കൊലപ്പെടുത്തിയ സംഭവത്തില് പ്രതി ശ്രീറാം വെങ്കിട്ടരാമനെ ചോദ്യം ചെയ്യുന്നതിന് കസ്റ്റഡിയില് വേണമെന്ന പൊലീസിന്റെ അപേക്ഷ ഒന്നാം ക്ലാസ് മജിസ്ട്രേറ്റ് കോടതി തള്ളി കളഞ്ഞു.
അപകടത്തില് പരിക്കേറ്റ് ശ്രീറാം ചികിത്സയില് കഴിയുന്നതിനാല് കസ്റ്റഡിയില് വിടാന് കഴിയില്ലെന്നാണ് കോടതി വ്യക്തമാക്കിയിരിക്കുന്നത്.
ശ്രീറാം വെങ്കിട്ടരാമനെ തെളിവെടുപ്പ് ഉള്പ്പെടെ നടപടികള്ക്കായി കസ്റ്റഡിയില് വിട്ടു നല്കണമെന്നാവശ്യപ്പെട്ട് പൊലീസ് കോടതിയില് അപേക്ഷ സമര്പ്പിച്ചിരുന്നു. ശ്രീറാമിന്റെ ജാമ്യാപേക്ഷ പരിഗണിച്ച കോടതി കേസ് ഡയറി ഹാജരാക്കാന് പൊലീസിനോട് ആവശ്യപ്പെട്ടിട്ടുണ്ട്. ഉച്ചക്ക് 2.30നുള്ളില് കേസ് ഡയറി ഹാജരാക്കണമെന്നാണ് കോടതി ഉത്തരവിട്ടിരിക്കുന്നത്.