ന്യൂഡല്ഹി: മഹാരാഷ്ട്ര നിയമസഭാ തെരഞ്ഞെടുപ്പ് മുന്നില്ക്കണ്ട് മുന്നൊരുക്കങ്ങളുമായി കോണ്ഗ്രസ്. മധ്യപ്രദേശില്നിന്നുള്ള നേതാവ് ജ്യോതിരാദിത്യ സിന്ധ്യയെ അധ്യക്ഷനാക്കി സ്ക്രീനിംഗ് കമ്മിറ്റി രൂപീകരിച്ചാണ് കോണ്ഗ്രസിന്റെ തുടക്കം.
ആറംഗ കമ്മറ്റിയാണ് സോണിയ ഗാന്ധി നിയോഗിച്ചത്. കഴിഞ്ഞ ലോകസഭാ തെരഞ്ഞെടുപ്പിൽ മഹാരാഷ്ട്രയുടെ ചുമതലയുണ്ടായിരുന്നു മല്ലികാര്ജ്ജുന് ഖാര്ഗെയും കമ്മറ്റിയിലുണ്ട്. മഹാരാഷ്ട്ര കോണ്ഗ്രസ് അധ്യക്ഷന് ബാലാ സാഹിബ് തോറോട്ടും കമ്മിറ്റിയംഗമാണ്.
ലോകസഭാ തെരഞ്ഞെടുപ്പിൽ മഹാരാഷ്ട്രയിൽ വലിയ മുന്നേറ്റം ഉണ്ടാക്കാൻ കോൺഗ്രസിന് കഴിഞ്ഞിരുന്നില്ല. എന്സിപി സഖ്യമായി മത്സരിച്ച കോണ്ഗ്രസിന് ഒരു സീറ്റാണു ജയിച്ചത്. എന്സിപിക്ക് നാലു സീറ്റുകള് ലഭിച്ചു. തോല്വിയെ തുടര്ന്ന് പിസിസി അധ്യക്ഷന് അശോക് ചവാന് രാജിവച്ചിരുന്നു.