യുവന്റസിനെതിരായ ക്രിസ്ത്യാനോ റൊണാള്ഡോയുടെ ബൈസിക്കിള് കിക്കിന്റെ ഹാങ്ങോവറിലാണ് ഫുട്ബോള് ലോകം. യുവന്റസിന്റെ തട്ടകത്തില് നടന്ന ചാംപ്യന്സ് ലീഗ് ആദ്യപാദ ക്വാര്ട്ടറില് 64ാം മിനിട്ടിലാണ് ആ അപ്രതീക്ഷിത കിക്കെത്തിയത്. അമ്പരന്ന യുവന്റസ് ആരാധകര് ഗാലറിയില് എഴുന്നേറ്റുനിന്ന് കയ്യടിച്ചു. എതിരാളികളുടെ ഗോളിന് ഒരു ഗാലറി ഇങ്ങനെ പ്രതികരിക്കുന്നത് അപൂര്വമായി സംഭവിക്കുന്ന ഒന്നാണ്.
ആ അത്ഭുതം തന്നെയായിരുന്നു മത്സരശേഷം പ്രതികരിച്ച റൊണാള്ഡോയുടെ വാക്കുകളിലും. ”വിശ്വസിക്കാനാകുന്നില്ല, യുവന്റസ് ആരാധകര്ക്ക് നന്ദി. കരിയറില് ഇന്നുവരെ സംഭവിക്കാത്ത ഒരു കാര്യമാണിത്. അതുകൊണ്ട് തന്നെ ഒരുപാട് സന്തോഷമുണ്ട്”
Ronaldo has given us an early contender for #UCL Goal of the Week ?
Voting opens next Wednesday ? https://t.co/CL0b9kkjIV pic.twitter.com/ALni9fWMT7
— UEFA Champions League (@ChampionsLeague) April 3, 2018
എതിരില്ലാത്ത മൂന്ന് ഗോളിനാണ് റയല് യുവന്റസിനെ തോല്പ്പിച്ചത്. റൊണാള്ഡോയുടെ ഇരട്ടഗോള് മികവിലാണ് റയല് ജയിച്ചുകയറിയത്. ചാംപ്യന്സ് ലീഗില് തുടര്ച്ചയായ 10 മത്സരങ്ങളില് ഗോള് നേടുന്ന താരമെന്ന റെക്കോര്ഡും റൊണാള്ഡോ സ്വന്തമാക്കി. മാര്സലോയാണ് റയലിന്റെ മറ്റൊരു സ്കോറര്.