കൊച്ചി : ജസ്റ്റിസ് എസ്.മണികുമാറിനെ കേരളാ ഹൈക്കോടതി ചീഫ് ജസ്റ്റിസായി നിയമിച്ചു. ഇതുസംബന്ധിച്ച ഉത്തരവ് രാഷ്ട്രപതി പുറത്തിറക്കി.
മദ്രാസ് ഹൈക്കോടതി ജഡ്ജിയാണ് ജസ്റ്റിസ് മണികുമാര്‍ ഇപ്പോള്‍. ചീഫ് ജസ്റ്റിസായിരുന്ന ഋഷികേശ് റോയി സുപ്രീം കോടതി ജഡ്ജിയായതിനെത്തുടര്‍ന്നാണ് പുതിയ നിയമനം.
അഞ്ച് ഹൈക്കോടതികളിലും പുതിയ ചീഫ് ജസ്റ്റീസുമാരെ നിയമിച്ചു. ജസ്റ്റീസ് അജയ് ലാംബ (ഗുജറാത്ത്), ജസ്റ്റീസ് ഇന്ദര്‍ജിത് മൊഹന്തി (രാജസ്ഥാന്‍), ജസ്റ്റീസ് എല്‍. നാരായണ സ്വാമി (ഹിമാചല്‍പ്രദേശ്), ജസ്റ്റീസ് ജെ.കെ. മഹേശ്വരി (ആന്ധ്രാപ്രദേശ്), ആരൂപ് കെ. ഗോസ്വാമി (സിക്കിം) എന്നിവരെയാണ് നിയമിച്ചത്.
