അലാസ്ക: അലാസ്കയിലെത്തുന്ന സഞ്ചാരികൾക്ക് ജൂൺ ഒന്നു മുതൽ വിമാനത്താവളത്തിൽ സൗജന്യമായി വാക്സിൻ ഏ‍ര്‍പ്പെടുത്തുമെന്ന് അലാസ്ക സര്ക്കാര്. കൊവിഡിന്റെ പശ്ചാത്തലത്തിൽ തക‍ര്‍ന്ന ടൂറിസം മേഖലയെ ശക്തിപ്പെടുത്തുന്നതിനാണ് പുതിയ പദ്ധതി ആവിഷ്കരിച്ചിരിക്കുന്നത്.
സഞ്ചാരികളുമായുള്ള വലിയ കപ്പലുകളെ ആക‍ര്‍ഷിക്കാനുള്ള ശ്രമത്തിലാണ് അലാസ്ക സര്ക്കാര്. കൊവിഡിന്റെ പശ്ചാത്തലത്തിൽ സഞ്ചാരികളെ കഴിഞ്ഞ വ‍ര്‍ഷം അലാസ്ക സര്ക്കാര് മാറ്റിനിര്‍ത്തിയിരുന്നു. ഇതേത്തുട‍ര്‍ന്ന് വേനൽക്കാല ടൂറിസത്തെ ആശ്രയിക്കുന്ന തെക്കു കിഴക്കൻ അലാസ്കയിലെ വ്യാപാരത്തെ വളരെ മോശമായ രീതിയിലാണ് ഇത് ബാധിച്ചത്.
പതിനാറ് വയസിനു മുകളിലുള്ള അലാസ്കയിലെ നാൽപ്പത് ശതമാനത്തോളം പേ‍ര്‍ വാക്സിൻ സ്വീകരിച്ചിട്ടുണ്ടെന്ന് ആരോഗ്യ മന്ത്രാലയം വ്യക്തമാക്കി. കൂടുതൽ ആളുകളിലേക്ക് പ്രതിരോധ കുത്തിവെപ്പ് വ്യാപിപ്പിക്കാനാണ് ശ്രമിക്കുന്നതെന്ന് ഭരണകൂടം വ്യക്തമാക്കി.
