കാത്തിരിപ്പിന് വിരാമം. പ്രേക്ഷകർ കാണാൻ കൊതിച്ച ചിത്രങ്ങൾ ഒടിടി റിലീസിനൊരുങ്ങുന്നു. മമ്മൂട്ടിയുടെ സിബിഐ മുതൽ അജയ് ദേവ്ഗണിന്റെ റൺവേ 34 വരെയുണ്ട് ജൂൺ മാസത്തെ ഒടിടി റിലീസ് ചിത്രങ്ങളുടെ പട്ടികയിൽ.
പൃഥ്വിരാജ് ചിത്രമായ ജനഗണ മന ഇന്നലെ മുതൽ നെറ്റ്ഫ്ളിക്സിൽ ലഭ്യമാണ്. ജൂൺ 3ന് കെജിഎഫ് 2 ആമസോൺ പ്രൈമിൽ റിലീസ് ചെയ്യും.
ജൂൺ 9ന് ആസിഫ് അലി, ആന്റണി വർഗീസ്, നിമിഷ സജയൻ എന്നിവർ കേന്ദ്ര കഥാപാത്രത്തിലെത്തുന്ന ത്രില്ലർ – ഇന്നലെ വരെ- സോണി ലിവിലൂടെ കാണാം. ശിവകാർത്തികേയന്റെ ഡോൺ എന്ന സിനിമ ജൂൺ 10നാണ് നെറ്റ്ഫ്ളിക്സിൽ റിലീസിനെത്തുന്നത്. ജൂൺ 10ന് തന്നെ ഹോട്ട്സ്റ്റാറിൽ അനൂപ് മേനോന്റെ ത്രില്ലർ സിനിമ 21 ഗ്രാംസും റിലീസ് ചെയ്യും.
മമ്മൂട്ടി ചിത്രമായ സിബിഐ 5 ജൂൺ 12നും നെറ്റ്ഫ്ളിക്സിൽ വരും. അജയ് ദേവ്ഗൺ, അമിതാഭ് ബച്ചൻ എന്നിവർ പ്രധാന വേഷങ്ങൾ കൈകാര്യം ചെയ്യുന്ന റൺവേ 34 ആമസോൺ പ്രൈമിൽ ജൂൺ 24ന് റിലീസ് ചെയ്യും.
