ഡൽഹി: കേരളത്തിലെ രാഷ്ട്രീയ കൊലപാതകം പരാമർശിച്ച് ബി ജെപി ദേശീയ അധ്യക്ഷൻ ജെ പി നദ്ദ. ബംഗാളിലും കേരളത്തിലും പ്രവർത്തകർ തുടർച്ചയായി കൊല്ലപ്പെടുന്നു. കേരളത്തിലേത് രാഷ്ട്രീയ ആക്രമങ്ങളുടെ ലജ്ജാകരമായ സാഹചര്യമെന്ന് അദ്ദേഹം പറഞ്ഞു. ജനങ്ങൾക്കെഴുതിയ തുറന്ന കത്തിലാണ് ജെ പി നദ്ദയുടെ പരാമർശം. കേരത്തിൽ തുടർച്ചയായി സംഭവിക്കുന്ന രാഷ്ട്രീയ കൊലപാതകങ്ങളിൽ പ്രതികരിക്കുകയായിരുന്നു അദ്ദേഹം.
പാലക്കാട് കൊലപാതകങ്ങളുടെ പാശ്ചാത്തലത്തിൽ പാലക്കാട് ജില്ലയിൽ അതീവ ജാഗ്രതയാണ് ഏർപ്പെടുത്തിയിട്ടുള്ളത്. ജില്ലയിൽ 144 പ്രഖ്യാപിച്ചതിന് പിന്നാലെ ഇരുചക്ര യാത്രക്ക് നിയന്ത്രണം ഏർപെടുത്തി ജില്ലാ ഭരണകൂടം ഉത്തരവിറക്കിയിട്ടുണ്ട്. സ്ത്രീകളും കുട്ടികളും ഒഴികെയുള്ളവരെ പിറകിലെ സീറ്റിൽ ഇരുത്തി യാത്ര നടത്താൻ പാടില്ലെന്നാണ് ഉത്തരവ്. ഏപ്രിൽ 20 ന് വൈകിട്ട് ആറ് വരെ പാലക്കാട് ജില്ല പരിധിയിൽ നിരോധനാജ്ഞ നിലനിൽക്കുന്ന സാഹചര്യത്തിലാണ് നടപടി.
