കുവൈറ്റ്: ശബരിമല വിഷയത്തില് ബിജെപി നിലപാടിനെ കുറിച്ച് മാധ്യമ പ്രവര്ത്തകരുടെ ചോദ്യത്തിന് മറുപടി നല്കാതെ ബിജെപിയുടെ ദേശീയ വക്താവ് മീനാക്ഷി ലേഖി വാര്ത്താ സമ്മേളനത്തില് നിന്ന് ഇറങ്ങിപ്പോയി.
കുവൈറ്റില് വെച്ച് ബിജെപിയുടെ പോഷക സംഘടനയായ ഭാരതീയ പ്രവാസി പരിഷത്ത് വിളിച്ചുചേര്ത്ത വാര്ത്താ സമ്മേളനത്തിനിടയിലാണ് സംഭവം. ശബരിമല വിഷയത്തില് വനിതാ നേതാവെന്ന നിലയിലുള്ള അഭിപ്രായമെന്താണെന്ന ചോദ്യത്തിന് മീനാക്ഷി നല്കിയ ഉത്തരം ജസ്റ്റിസ് ഇന്ദു മല്ഹോത്രയുടെ നിലപാടാണെന്നായിരുന്നു. പിന്നീട് ബിജെപി വക്താവ് എന്ന നിലയില് ബിജെപിയുടെ ഔദ്യോഗിക നിലപാട് എന്താണെന്ന ചോദ്യത്തിനാണ് മീനാക്ഷി ഉത്തരം നല്കാതെ ഇറങ്ങി പോയത്.