മാധ്യമപ്രവര്‍ത്തകരെ കൊവിഡ് മുന്നണി പോരാളികളായി പ്രഖ്യാപിക്കണം: പികെ കുഞ്ഞാലിക്കുട്ടി

മലപ്പുറം: മാധ്യമപ്രവര്‍ത്തകരെ കൊവിഡ് മുന്നണി പോരാളികളായി പ്രഖ്യാപിക്കണമെന്ന് ആവശ്യപ്പെട്ട് മുസ്ലിം ലീഗ് ദേശീയ ജനറല്‍ സെക്രട്ടറി പികെ കുഞ്ഞാലിക്കുട്ടി. കൊവിഡ് പ്രതിരോധ പ്രവര്‍ത്തനങ്ങളും കൊവിഡ് മുന്‍കരുതല്‍ നടപടികളും പൊതുസമൂഹത്തില്‍ എത്തിക്കുന്നതില്‍ നിര്‍ണായക ദൗത്യം നിര്‍വഹിക്കുന്ന കേരളത്തിലെ മുഴുവന്‍ മാധ്യമ പ്രവര്‍ത്തകരെയും കൊവിഡ് മുന്നണി പോരാളികളായി പ്രഖ്യാപിക്കണമെന്ന് മുസ്ലിം ലീഗ് ദേശീയ ജനറല്‍ സെക്രട്ടറി പികെ കുഞ്ഞാലിക്കുട്ടി ആവശ്യപ്പെട്ടു.

വാര്‍ത്താശേഖരണത്തിന്റെ ഭാഗമായി എല്ലായിടങ്ങളിലും എത്താന്‍ നിര്‍ബന്ധിതരായ മാധ്യമ പ്രവര്‍ത്തകരുടെ ആരോഗ്യസുരക്ഷക്ക് സര്‍ക്കാര്‍ മുഖ്യപരിഗണന നല്‍കണമെന്നും പ്രസ്താവനയിലൂടെ അദ്ദേഹം പറഞ്ഞു. കഴിഞ്ഞ ദിവസം മാതൃഭൂമി ന്യൂസ് ചാനല്‍ ചീഫ് റിപ്പോര്‍ട്ടര്‍ വിപിന്‍ചന്ദ് കൊച്ചിയില്‍ കോവിഡിനെ തുടര്‍ന്ന് മരണപ്പെട്ടിരുന്നു. തമിഴ്‌നാട് ഉള്‍പെടെ നിരവധി സംസ്ഥാനങ്ങള്‍ ഇതിനകം മാധ്യമ പ്രവര്‍ത്തകരെ കോവിഡ് മുന്നണി പോരാളികളായി പ്രഖ്യാപിചിട്ടുണ്ടെന്ന് അദ്ദേഹം പറഞ്ഞു.

 

Top