ലക്നോ: രാജ്യത്ത് മാധ്യമപ്രവർത്തകരുടെ കൊലപാതകങ്ങൾ തുടർക്കഥയാക്കി ഗൗരി ലങ്കേഷിനു ശേഷം മറ്റൊരു കൊലപാതകം കൂടി.
കാൺപുരിലെ ബിൽഹോറിൽ നവീൻ ശ്രീവാസ്തവ എന്ന മാധ്യമപ്രവർത്തകനാണ് ഒടുവിൽ തോക്കിനിരയായത്.
വെടിവയ്പിൽ പരിക്കേറ്റ് ചികിത്സയിലിരിക്കെയാണ് മരണം.
ബൈക്കിലെത്തിയ അജ്ഞാതർ നവീനുനേരെ വെടിയുതിർക്കുകയായിരുന്നു. ഹിന്ദുസ്ഥാന്‍ പത്രത്തില്‍ റിപ്പോര്‍ട്ടറാണ് നവീന്‍.
സംഭവത്തെക്കുറിച്ച് കൂടുതൽ വിവരങ്ങൾ ഒന്നും പുറത്ത് വന്നിട്ടില്ല. പൊലീസ് കേസെടുത്ത് അന്വേഷണം ആരംഭിച്ചു.
