ന്യൂഡല്ഹി : സോളാര് കമ്മീഷന് റിപ്പോര്ട്ടില് തന്നെ സംബന്ധിച്ചുള്ള പരാമര്ശങ്ങളില് പറയുന്ന കാര്യങ്ങള് പൂര്ണ്ണമായും സത്യവിരുദ്ധമാണെന്ന് ജോസ് കെ മാണി എം.പി.
ഈ ആരോപണം മുമ്പ് വന്നപ്പോള് തന്നെ ഇത് സംബന്ധിച്ച് സമഗ്രമായ അന്വേഷണം ആവശ്യപ്പെട്ടുകൊണ്ട് അന്നത്തെ ഡി.ജി.പിക്ക് നേരിട്ട് പരാതി നല്കുകയും അന്വേഷണം സംബന്ധിച്ച ആവശ്യം മാധ്യമങ്ങള് വഴി പൊതുസമൂഹത്തെ അറിയിക്കുകയും ചെയ്തിട്ടുള്ളതാണെന്നും എം.പി ചൂണ്ടിക്കാട്ടി.
പൊതുപ്രവര്ത്തകന് എന്ന നിലയില് ഇത് സംബന്ധിച്ച അന്വേഷണം വേണം എന്ന ആവശ്യക്കാരനാണ് ഞാന്. അതുകൊണ്ടു തന്നെ ഇക്കാര്യത്തിലുള്ള അന്വേഷണത്തെ പൂര്ണ്ണമായും സ്വാഗതം ചെയ്യുന്നതായും എം.പി വ്യക്തമാക്കി.