ദമ്മാം: സൗദി അറേബ്യയുടെ കിഴക്കന് പ്രവിശ്യയായ ഖത്തീഫില് ഭീകരാക്രമണം. ഭീകരര് നടത്തിയ വെടിവെപ്പില് രണ്ട് പേര് കൊല്ലപ്പെട്ടു. ഇന്ത്യക്കാരനടക്കം നിരവധി പേര്ക്ക് പരിക്കേല്ക്കുകയും ചെയ്തു.
ഖത്തീഫ് അവാമിയ മേഖലയിലെ അല്മസൂറ ഡിസ്ട്രിക്ടിലാണ് സംഭവം നടന്നത്. പരിക്കേറ്റവരില് ഒരു സ്ത്രീയും കുട്ടിയും ഉള്ളതായും ഇതില് ഒരാളുടെ നില അതീവ ഗുരുതരമാണെന്നും ആഭ്യന്തര മന്ത്രാലയത്തിന് കീഴിലെ പൊതുസുരക്ഷാ വിഭാഗം വക്താവ് മേജര് ജനറല് മന്സൂര് അല് തുര്ക്കി അറിയിച്ചു.
ഒരു പാക്കിസ്ഥാനിയും രണ്ട് വയസ്സായ കുട്ടിയുമാണ് കൊല്ലപ്പെട്ടത്. പരിക്കേറ്റവരില് ആറു സ്വദേശികളും രണ്ട് പാക്കിസ്ഥാനികളും ഒരു സുഡാനിയും ഉള്പ്പെടുന്നു. ഭീകരര് പ്രദേശത്തെ സുരക്ഷാ വിഭാഗത്തെയാണ് ലക്ഷ്യമിട്ടത്. ഇവര് വഴിയാത്രക്കാര്ക്ക് നേരെയും കനത്ത അത്യാധുനിക ആയുധങ്ങള് ഉപയോഗിച്ച് വെടിവെപ്പ് നടത്തി.