കൊച്ചി: ഇന്ധനവില വര്ധനയില് പ്രതിഷേധിച്ച് ദേശീയപാത ഉപരോധത്തിനിടെയുണ്ടായ സംഘര്ഷത്തില്, നടന് ജോജു ജോര്ജിന്റെ കാര് തകര്ത്ത കേസില് യൂത്ത് കോണ്ഗ്രസ് നേതാവ് ഷെരീഫ് അറസ്റ്റില്.
കഴിഞ്ഞ ദിവസം രാത്രിയാണ് ഷെരീഫ് അറസ്റ്റിലായത്. ഇതോടെ കേസില് രണ്ടുപേരാണ് അറസ്റ്റിലായത്. കോണ്ഗ്രസ് പ്രവര്ത്തകന് ജോസഫ് നേരത്തേ അറസ്റ്റിലായിരുന്നു.
വൈറ്റില ദേശീയപാത ഉപരോധത്തിനിടെയുണ്ടായ സംഭവ വികാസങ്ങളില് രണ്ടു കേസുകളാണ് പൊലീസ് റജിസ്റ്റര് ചെയ്തിരിക്കുന്നത്. വാഹനം തല്ലിതകര്ത്ത് ആക്രമിക്കാന് ശ്രമിച്ചെന്ന ജോജുവിന്റെ പരാതിയില് എട്ട് പേര്ക്കെതിരെയും വഴി തടയല് സമരവുമായി ബന്ധപ്പെട്ട് 30 പേര്ക്കെതിരെയുമാണ് ജാമ്യമില്ലാ വകുപ്പനുസരിച്ച് കേസെടുത്തിരിക്കുന്നത്.
വഴിതടയല് സമരത്തിനെതിരായ കേസില് ഡിസിസി പ്രസിഡന്റ് മുഹമ്മദ് ഷിയാസാണ് ഒന്നാം പ്രതി. രണ്ടാം പ്രതി വി.ജെ.പൗലോസും, മൂന്നാം പ്രതി കൊടിക്കുന്നില് സുരേഷ് എംപിയുമാണ്.