വാഷിങ്ടൺ: വൈറ്റ് ഹൗസിന്റെ മാധ്യമ സംഘത്തെ പ്രഖ്യാപിച്ച് അമേരിക്കൻ പ്രസിഡൻറ് ജോ ബൈഡൻ. സംഘത്തിലുള്ളവരെല്ലാം വനിതകളാണ്. കമ്യൂണിക്കേഷൻ ഡയറക്ടർ സ്ഥാനത്തേക്ക് തിരഞ്ഞെടുത്തത് ബൈഡന്റെ പ്രചാരണ സംഘത്തിലുണ്ടായിരുന്ന കേറ്റ് ബെഡിങ്ഫീൽഡിനെയാണ്.
പ്രധാനപ്പെട്ട മറ്റു പല തസ്തികകളിലും വനിതകളെ തന്നെ നിയമിക്കാനാണ് സാധ്യത എന്നാണ് പുറത്തുവരുന്ന റിപ്പോർട്ടുകൾ. നിലവിൽ നിയമനം പ്രഖ്യാപിച്ചവരെല്ലാം നേരത്തെ ഒബാമ സർക്കാറിൽ പ്രവർത്തിച്ചവരാണ്. കേറ്റ് ബെഡിങ്ഫീൽഡ് വൈസ് പ്രസിഡൻറായിരുന്ന ജോ ബൈഡന്റെ കമ്മ്യൂണിക്കേഷൻ ഡയറക്ടറായിരുന്നു. നീരാ ടാണ്ടനെ പോലുള്ളവരും ബൈഡൻ സർക്കാരിന്റെ ഭാഗമാകുമെന്നാണ് പുറത്തുവരുന്ന റിപ്പോർട്ടുകൾ വ്യക്തമാക്കുന്നത്.
