എതിരാളികളെ വെല്ലു വിളിച്ച് വീണ്ടും ജിയോ വിപ്ലവം തുടരുന്നു. ജിയോഫോണ്‍ രണ്ടാം ഘട്ട പ്രീബുക്കിംഗ് വീണ്ടും ആരംഭിച്ചു. ജിയോ വെബ്‌സൈറ്റായ jio.comലെ ബാനറില്‍ പ്രീബുക്കിംഗിനെ കുറിച്ച് വ്യക്തമാക്കിയിട്ടുണ്ട്.
കഴിഞ്ഞ വര്‍ഷം ആഗസ്റ്റ് മാസത്തിലാണ് ജിയോഫോണിന്റെ പ്രീബുക്കിംഗ് ആദ്യമായി നടന്നത്. അന്ന് ആറ്‌ ദശലക്ഷം ജിയോ ഫോണ്‍ യൂണിറ്റുകളാണ് ബുക്ക് ചെയ്തിരുന്നത്. രണ്ടാം റൗണ്ട് പ്രീബുക്കിംഗ് ഉടന്‍ ആരംഭിക്കുമെന്നും അന്ന് ജിയോ അറിയിച്ചിരുന്നു.
പ്രത്യേകതയുമായാണ് ജിയോഫോണ്‍ പ്രീബുക്കിംഗ് രണ്ടാം തവണ ആരംഭിച്ചിരിക്കുന്നത്. ഇത്തവണ അഞ്ച് ഫോണുകള്‍ വരെ ബുക്ക് ചെയ്യാന്‍ സാധിക്കും. ഒരു മൊബൈല്‍ നമ്പര്‍ ഉപയോഗിച്ച് അഞ്ച് ഫോണ്‍ വരെ ഇത്തവണ ബുക്ക് ചെയ്യാം.
‘ദേശ് കാ സ്മാര്‍ട്ട്‌ഫോണ്‍’ എന്നാണ് ജിയോഫോണ്‍ അറിയപ്പെടുന്നത്. ഇന്ത്യയിലെ 50 കോടി ഫീച്ചര്‍ ഫോണ്‍ ഉപഭോക്താക്കളെ ബന്ധിപ്പിക്കുക എന്ന ലക്ഷ്യത്തോടെയാണ് ജിയോഫോണ്‍ അവതരിപ്പിച്ചിരിക്കുന്നത്.
