തൊടുപുഴ: വെളിപാടിന്റെ പുസ്തകം എന്ന ചിത്രത്തിലെ ജിമ്മിക്കി കമ്മല് എന്ന ഗാനത്തിനൊത്ത് ചുവടുവെച്ച് പ്രശസ്തയായ ഷെറില് ജി കടവന്റെ വിവാഹനിശ്ചയം കഴിഞ്ഞു. തൊടുപുഴ സ്വദേശി പ്രഫുല് ടോമിയാണ് വരന്. തൊടുപുഴ വാഴക്കുളത്തുവെച്ചായിരുന്നു ചടങ്ങുകള്.
കളമശേരി രാജഗിരി കോളജില് അധ്യാപികയാണ് ഷെറില്. കോളജിലെ അധ്യാപകര്ക്കും വിദ്യാര്ഥികള്ക്കുമൊപ്പം ജിമ്മിക്കി കമ്മല് എന്ന ഗാനത്തിനൊത്ത് ചുവടുവെച്ചതോടെയാണ് ഷെറില് താരമായത്.
പിന്നാലെ തമിഴ് സൂപ്പര് താരം സൂര്യയുടെ താനാ സേര്ന്ത കൂട്ടം എന്ന ചിത്രത്തിലെ ഒരു ഗാനരംഗത്തിലും ഷെറില് പ്രത്യക്ഷപ്പെട്ടു. മലയാളത്തില് ഒരാല്ബത്തിലും ഷെറില് അഭിനയിച്ചിട്ടുണ്ട്. ചേര്ത്തല പള്ളിപ്പുറം സ്വദേശിയാണ്.