ലിജോ ജോസ് പെല്ലിശ്ശേരിയുടെ സംവിധാനത്തില് ഒരുങ്ങുന്ന ഏറ്റവും പുതിയ ചിത്രമാണ് ജെല്ലിക്കെട്ട്. ചിത്രത്തിന്റെ ട്രെയിലര് പുറത്തിറങ്ങി. ബ്രിട്ടീഷ് ഫിലിം ഇന്സ്റ്റിറ്റ്യൂട്ട് ആണ് തങ്ങളുടെ ട്വിറ്റര് അക്കൗണ്ടിലൂടെ ട്രെയിലര് ആദ്യം പുറത്തുവിട്ടത്.
ചെമ്പന് വിനോദും ആന്റണി വര്ഗീസുമാണ് ചിത്രത്തില് കേന്ദ്ര കഥാപാത്രങ്ങളെ അവതരിപ്പിക്കുന്നത്. എസ്.ഹരീഷിന്റെ ‘മാവോയിസ്റ്റ്’ എന്ന കഥയെ അടിസ്ഥാനമാക്കിയാണ് ചിത്രം ഒരുങ്ങുന്നത്. എസ്. ഹരീഷും ആര്. ഹരികുമാറും ചേര്ന്ന് തിരക്കഥ ഒരുക്കുന്ന ജല്ലിക്കെട്ടിന് ഛായാഗ്രഹണം നിര്വഹിക്കുന്നത് ദേശീയ പുരസ്കാര ജേതാവ് ഗിരീഷ് ഗംഗാധരനാണ്.
ടൊറന്റോ ഇന്റര്നാഷണല് ചലച്ചിത്ര മേളയില് പ്രദര്ശിപ്പിച്ച സിനിമയ്ക്ക് മികച്ച പ്രേക്ഷക പ്രതികരണങ്ങളാണ് ലഭിക്കുന്നത്. വിനോദ് ജോസ്. ശാന്തി ബാലചന്ദ്രന്, സാബുമോന് അബ്ദുസമദ്, ജാഫര് ഇടുക്കി തുടങ്ങിയവരും ചിത്രത്തില് അണിനിരക്കുന്നുണ്ട്.