ജയറാം നായകനാകുന്ന ഏറ്റവും പുതിയ ചിത്രം അനീഷ് അന്വര് സംവിധാനം ചെയ്യുന്ന മൈ ഗ്രേറ്റ് ഗ്രാന്റ്ഫാദറിലെ പുതിയ ഗാനം പുറത്തുവിട്ടു. ഗ്രാന്റ്പാ എന്ന ഗാനമാണ് പുറത്തുവിട്ടിരിക്കുന്നത്. രഞ്ജിനി ജോസ്, ശങ്കര്,വിനീത പ്രദീപ്,ഗായക്രി നായര്,ശ്രീഹരി പിവി തുടങ്ങിയവര് ചേര്ന്നാണ് ഗാനം ആലപിച്ചിരിക്കുന്നത്. വേണു ഗോപാല് രാമേന്ദ്രന്റെ വരികള്ക്ക് വിഷ്ണു മോഹന് സിത്താരയാണ് സംഗീതം നല്കിയിരിക്കുന്നത്.
നര്മ്മത്തിനും വൈകാരികതയ്ക്കുമൊക്കെ പ്രാധാന്യമുള്ള ഒരു ഫാമിലി എന്റര്ടെയ്നറാണ് ചിത്രം. ബാബുരാജ്, ധര്മ്മജന് ബോല്ഗാട്ടി, വിജയരാഘവന്, സലിംകുമാര്, ജോണി ആന്റണി, മല്ലിക സുകുമാരന്, ബൈജു, ഉണ്ണി മുകുന്ദന് തുടങ്ങിയവരാണ് ചിത്രത്തിലെ മറ്റ് താരങ്ങള്. ചിത്രത്തിന് തിരക്കഥ ഒരുക്കുന്നത് ഷാനി ഖാദര് ആണ്.
ചിത്രത്തിന്റെ ഛായാഗ്രഹണം നിര്ഹവിക്കുന്നത് സമീര് ഹഖ് ആണ്. വിഷ്ണു മോഹന് സിത്താരയാണ് ചിത്രത്തിന് സംഗീതം ഒരുക്കുന്നത്. അച്ചിച്ച സിനിമാസ്, മലയാളം മൂവി മേക്കേഴ്സ് എന്നിവയുടെ ബാനറില് ഹസീബ് ഹനീഫ്, മഞ്ജു ബാദുഷ എന്നിവരാണ് ചിത്രം നിര്മ്മിക്കുന്നത്.