തിരുവനന്തപുരം: നെഹ്രുവും അയ്യങ്കാളിയുമായി വേഷം ധരിച്ച കുട്ടികളുടെ ചിത്രങ്ങള്‍ ഹിന്ദു – മുസ്ലീം ഐക്യം എന്ന കുറിപ്പോടെ ട്വിറ്ററില്‍ പോസ്റ്റ് ചെയ്ത എം.പി ശശി തരൂരിനെതിരെ സോഷ്യല്‍ മീഡിയ.
‘ഹിന്ദു-മുസ്ലീം ഐക്യത്തിന്റെ ആള്‍രൂപമായി വേഷമിട്ട രണ്ട് തിരുവനന്തപുരം കുട്ടികള്‍!’ എന്ന പേരില്‍ ജനുവരി 29ന് പങ്കുവെച്ച ട്വീറ്റാണ് അബദ്ധമായത്.
Two Thiruvananthapuram kids dressed up as embodiments of Hindu-Muslim unity! pic.twitter.com/Z0puFF2en9
— Shashi Tharoor (@ShashiTharoor) January 29, 2020
ചിത്രത്തില്‍ നെഹ്രുവെന്നും അയ്യങ്കാളിയെന്നും പറയുന്നതിന് പകരം ഹിന്ദുവെന്നും മുസ്ലീമെന്നും പറഞ്ഞതില്‍ തരൂരിനെതിരെ വിമര്‍ശനം ഉയരുന്നുണ്ട്. നെഹ്രു മുസ്ലീമാണെന്ന് സമ്മതിച്ചോ എന്നും ശശി തരൂര്‍ നെഹ്രുവിനെ മുസ്ലീമായാണോ കരുതുന്നതെന്നും ചിലര്‍ സോഷ്യല്‍ മീഡിയയില്‍ ചോദിക്കുന്നുണ്ട്.
