കശ്മീർ: ജമ്മു കശ്മീരിൽ സമാധാനം പുനസ്ഥാപിക്കാൻ ഗവർണർ ഭരണം ഏർപ്പെടുത്തണമെന്ന് മുൻ മുഖ്യമന്ത്രിയും നാഷണൽ കോണ്‍ഫറൻസ് നേതാവുമായ ഫറൂഖ് അബ്ദുള്ള.
ഗവർണർ ഭരണത്തെ ഇതുവരെ തങ്ങൾ അനുകൂലിച്ചിരുന്നില്ല. എന്നാൽ ഇപ്പോൾ കശ്മീരിനെ രക്ഷിക്കാൻ ഇതല്ലാതെ മറ്റു വഴികളില്ലെന്നും ശ്രീനഗറിൽ നിന്നുള്ള ലോക്സഭാ എംപി കൂടിയായ ഫറൂഖ് അബ്ദുള്ള പറഞ്ഞു.
കഴിഞ്ഞ ദിവസം കശ്മീർ വിഷയം ചർച്ച ചെയ്യാൻ ഫറൂഖ് അബ്ദുള്ളയും മോദിയും കൂടിക്കാഴ്ച നടത്തിയിരുന്നു.
കശ്മീരിലെ പ്രശ്നങ്ങൾക്ക് സമാധാനപരമായ അവസാനമുണ്ടാക്കണമെന്നാണ് ചർച്ചയ്ക്കൊടുവിൽ തീരുമാനിച്ചതെന്നും അബ്ദുള്ള പറഞ്ഞിരുന്നു.
എല്ലാത്തരത്തിലും തോറ്റ ഭരണമാണ നിലവിലെ മെഹബൂബ മുഫ്തിയുടെ ഗവണ്‍മെന്‍റ് നയിക്കുന്നതെന്നും ഇത് കശ്മീരിനെ മുഴുവൻ ദുരന്തത്തിലാക്കിയിരിക്കുകയാണെന്നും അദ്ദേഹം പറഞ്ഞു.
