ശ്രീനഗര്‍: ജമ്മുകശ്മീരില്‍ ബസ് സ്റ്റാന്‍ഡില്‍ സ്‌ഫോടനം. ഇന്ന് പുലര്‍ച്ചെയാണ് സ്‌ഫോടനമുണ്ടായത്. സംഭവത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല.
അതേസമയം പുല്‍വാമയില്‍ സൈനികരും തീവ്രവാദികളും തമ്മില്‍ ഏറ്റുമുട്ടി. ശനിയാഴ്ച പുലര്‍ച്ചെ സൈനിക പട്രോളിംഗിനു നേരെ ഭീകരര്‍ വെടിയുതിര്‍ക്കുകയായിരുന്നു. തീവ്രവാദികള്‍ ഒളിച്ചിരിക്കുന്നുണ്ടെന്ന വിവരത്തെ തുടര്‍ന്ന് സൈന്യം നടത്തിയ തിരച്ചിലിലാണ് ഏറ്റുമുട്ടല്‍.
കഴിഞ്ഞ ദിവസം പ്രദേശത്ത് നടന്ന ഏറ്റുമുട്ടലില്‍ ഒരു ഭീകരനെ സൈന്യം വധിച്ചിരുന്നു. ഇതിന്റെ തുടര്‍ച്ചയായാണ് ഇന്ന് വീണ്ടും ഏറ്റുമുട്ടല്‍ ഉണ്ടായത്. സൈന്യം മേഖലയില്‍ തെരച്ചില്‍ ശക്തമാക്കിയിരിക്കുകയാണ്.
