രജനികാന്തിന്റെ പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്. തലൈവർ 169 എന്ന് വിളിച്ചിരുന്ന ചിത്രത്തിന് ‘ജയിലർ’ എന്നാണ് ഇപ്പോൾ പേരിട്ടിരിക്കുന്നത്. നെൽസൺ ദിലീപ് കുമാർ സംവിധാനം ചെയ്യുന്ന ചിത്രത്തിന്റെ സംഗീതം ഒരുക്കുന്നത് അനിരുദ്ധ് രവിചന്ദർ ആണ്. നെല്സണ് ഏറ്റവും ഒടുവില് സംവിധാനം ചെയ്ത ബീസ്റ്റ് പ്രതീക്ഷകള്ക്കൊത്ത് ഉയരാത്തതിനാല് സംവിധായകനെ മാറ്റുമെന്ന് വാര്ത്തകള് വന്നിരുന്നെങ്കിലും ഇക്കാര്യം വാസ്തവമല്ലെന്ന് പിന്നീട് വ്യക്തമായിരുന്നു.
#Thalaivar169 is #Jailer@rajinikanth @Nelsondilpkumar @anirudhofficial pic.twitter.com/tEtqJrvE1c
— Sun Pictures (@sunpictures) June 17, 2022
സണ് പിക്ചേഴ്സിന്റെ ബാനറിൽ കലാനിധി മാരനാണ് ചിത്രത്തിന്റെ നിര്മാണം. എഡിറ്റിംഗ് ആര് നിര്മ്മല്. ചിത്രത്തിലെ നായികയാകാൻ ഐശ്വര്യ റായ് വിസമ്മതിച്ചുവെന്ന വാര്ത്തകൾ പുറത്തുവന്നിരുന്നു. തലൈവര് 169 പ്രഖ്യാപിക്കപ്പെട്ടപ്പോള് ചിത്രത്തിലെ നായികയായി പറഞ്ഞുകേട്ടത് ഐശ്വര്യയുടെ പേരായിരുന്നു. ചിത്രത്തില് ഐശ്വര്യ റായ് നായികയായേക്കില്ല എന്ന വാര്ത്തകളാണ് ഒടുവിലായി പുറത്തുവന്നത്.