റോം: ഇറ്റാലിയൻ ഓപ്പൺ സെമിയിൽ മരിയ ഷറപ്പോവ ലോക ഒന്നാം നമ്പർ താരം സിമോണ ഹാലപ്പിനെ നേരിടും. ക്വർട്ടറിൽ ജലേന ഒസ്റ്റാപെൻകോയെ പരാജയപ്പെടുത്തിയാണ് ഷറപ്പോവ സെമിയിൽ എത്തിയത്.
കടുത്ത പോരാട്ടത്തിനൊടുവിലാണ് ലാത്വിയൻ താരത്തെ പരാജയപ്പെടുത്തി ഷറപ്പോവ സെമിയിലെത്തിയത്.ആദ്യ സെറ്റ് പരാജയപ്പെട്ട ശേഷം തിരിച്ചടിച്ച് നിർണായകമായ രണ്ടും മൂന്നും സെറ്റുകൾ സ്വന്തമാക്കിയ ഷറപ്പോവ സെമിയിലേക്ക് മുന്നേറുകയായിരുന്നു. സ്കോർ: 6-7 (6-8), 6-4, 7-5. കരോളിന ഗാർസിയയെ പരാജയപ്പെടുത്തിയാണ് സിമോണ സെമിയിൽ കടന്നത്. നേരിട്ടുള്ള സെറ്റുകൾക്ക് അനായാസമായാണ് ഹാലപ്പിന്‍റെ വിജയം. സ്കോർ: 6 -2, 6-3.
