ന്യൂഡല്ഹി: ഐ.എസ്.ആര്.ഒ. ചാരകേസ് അന്വേഷിച്ച ജസ്റ്റിസ് ഡി.കെ. ജയിന് അധ്യക്ഷനായ ഉന്നതതല സമിതി സുപ്രീം കോടതിയില് റിപ്പോര്ട്ട് സമര്പ്പിച്ചു. മുദ്രവെച്ച കവറിലാണ് റിപ്പോര്ട്ട് സമര്പ്പിച്ചത്.
2018 സെപ്റ്റംബറിലാണ് ഐ.എസ്.ആര്.ഒ. ചാരകേസിന് പിന്നിലെ ഗൂഡാലോചനയെ കുറിച്ച് അന്വേഷിക്കാന് ജസ്റ്റിസ് ഡി.കെ. ജയിന് അധ്യക്ഷനായ സമിതിക്ക് സുപ്രീം കോടതി രൂപം നല്കിയത്.
കേന്ദ്ര ആഭ്യന്തര വകുപ്പിലെ മുന് അഡീഷണല് സെക്രട്ടറി ബി.കെ.പ്രസാദ്, കേരളത്തിലെ മുന് അഡീഷണല് ചീഫ് സെക്രട്ടറി വി.എസ്.സെന്തില് എന്നിവരാണ് കേന്ദ്ര, സംസ്ഥാന സര്ക്കാരുകളുടെ പ്രതിനിധികളായി സമിതിയില് ഉള്ളത്. 2020 ഡിസംബര് 14, 15 തീയതികളില് ജസ്റ്റിസ് ജയിന്റെ അധ്യക്ഷതയിലുള്ള സമിതി തിരുവനന്തപുരത്ത് തെളിവെടുപ്പ് നടത്തിയിരുന്നു.