ഫറ്റോര്‍ഡ: ഇന്ത്യന്‍ സൂപ്പര്‍ ലീഗില്‍ മുംബൈ സിറ്റി എഫ്‌സിക്ക് ജയം. ചെന്നൈയിന്‍ എഫ്‌സിയെ ഒന്നിനെതിരെ രണ്ട് ഗോളുകള്‍ക്കാണ് മുംബൈ പരാജയപ്പെടുത്തിയത്. ഹെര്‍നാന്‍ സന്റാന, ആഡം ലേ ഫോണ്ട്രെ എന്നിവരാണ് മുംബൈയുടെ ഗോളുകള്‍ നേടിയത്. യാക്കൂബ് സില്‍വസ്റ്ററിന്റെ വകയായിരുന്നു ചെന്നൈയുടെ ഏക ഗോള്‍.മുംബൈയുടെ തുടര്‍ച്ചയായ മൂന്നാം ജയമാണിത്. അഞ്ച് മത്സരങ്ങളില്‍ നാല് ജയം സ്വന്തമാക്കിയ മുംബൈ 12 പോയിന്റുമായി ഒന്നാം സ്ഥാനത്താണ്. ചെന്നൈയിന്‍ എട്ടാം സ്ഥാനത്ത് നില്‍ക്കുന്നു.
ഇന്ന് ചെന്നൈയാണ് ആദ്യം മുന്നിലെത്തിയത്. ലാലിയന്‍സ്വാല ചാങ്‌തെയുടെ പാസില്‍ നിന്നായിരുന്നു സില്‍വസ്റ്ററിന്റെ ഗോള്‍. 75ാം മിനിറ്റില്‍ മുംബൈ ലീഡെടുത്തു. ഇത്തവണയും ബൗമോസായിരുന്നു ഗോളിന് ചരടുവലിച്ചത്. അവസാന നിമിഷങ്ങളില്‍ ചെന്നൈ ഗോളിന് അടുത്തുവരെ എത്തിയെങ്കിലും വല കുലുക്കാനായില്ല. പന്തടക്കത്തില്‍ മുംബൈയായിരുന്നു മുന്നിലെങ്കിലും മത്സരത്തില്‍ മുന്‍തൂക്കം ചെന്നൈക്കായിരുന്നു. 17 ഷോട്ടുകളാണ് ചെന്നൈ ശ്രമിച്ചത്. എന്നാല്‍ മൂന്നെണ്ണം മാത്രമാണ് ലക്ഷ്യത്തിലേക്ക പാഞ്ഞത്. ഒരെണ്ണമാത്രം ഗോള്‍വര കടന്നു.
