പാർലമെന്റിൽ 65 വാക്കുകൾ ഉപയോഗിക്കുന്നത് വിലക്കിയ നടപടിക്കെതിരെ വിമർശനവുമായി പ്രതിപക്ഷം. കോൺഗ്രസ്, തൃണമൂൽ കോൺഗ്രസ് നേതാക്കൾ കേന്ദ്രസർക്കാറിനെതിരെ രൂക്ഷ വിമർശനവുമായി രംഗത്തെത്തി. മോദി സർക്കാറിനെ തുറന്നുകാണിക്കാൻ പ്രതിപക്ഷം ഉപയോഗിക്കുന്ന വാക്കുകളെല്ലാം ഇപ്പോൾ പാർലമെന്ററി വിരുദ്ധമായി പ്രഖ്യാപിച്ചെന്ന് കോൺഗ്രസ് ജനറൽ സെക്രട്ടറി ജയറാം രമേശ് പറഞ്ഞു.
Is “Truth” unparliamentary?
– Annual Gender Gap Report 2022 Ranks India 135 out of 146
– On health and survival subindex, India ranked lowest at 146th place
– India among only 5 countries with gender gaps larger than 5%— Mahua Moitra (@MahuaMoitra) July 14, 2022
‘സത്യം’ എന്ന വാക്കും അൺപാർലമെന്ററിയാണോ എന്നായിരുന്നു തൃണമൂൽ എം.പി മഹുവ മൊയ്ത്രയുടെ ചോദ്യം. ”സത്യവും അൺപാർലമെന്ററിയാണോ? വാർഷിക ലിംഗ വ്യത്യാസ റിപ്പോർട്ടിൽ ഇന്ത്യയുടെ സ്ഥാനം 135 ആണ്. ആരോഗ്യ അതിജീവന ഉപസൂചികയിൽ ഏറ്റവും കുറവായ 145 ആണ്. ലിംഗ വ്യത്യാസം അഞ്ച് ശതമാനത്തേക്കാൾ കുറഞ്ഞ അഞ്ച് രാജ്യങ്ങളിൽ ഒന്നാണ് ഇന്ത്യ”-മഹുവ മൊയ്ത്ര ട്വീറ്റ് ചെയ്തു.
New Dictionary for New India. pic.twitter.com/SDiGWD4DfY
— Rahul Gandhi (@RahulGandhi) July 14, 2022
പ്രധാനമന്ത്രി സർക്കാരിന്റെ ചെയ്തികളെ വിശദമാക്കാൻ ചർച്ചയിലും മറ്റും വിശദമായി പ്രയോഗിക്കുന്ന വാക്കുകളെയാണ് മോദി സർക്കാർ അൺപാർലമെന്ററി എന്ന് വിളിക്കുന്നതെന്നാണ് രാഹുൽ ഗാന്ധി ട്വീറ്റ് ചെയ്തത്.
