സെപ്റ്റംബര്‍ 14 ന് ഐഫോണ്‍ 13 അവതരിപ്പിച്ചേക്കുമെന്ന് റിപ്പോര്‍ട്ട്. കഴിഞ്ഞ വര്‍ഷം പുറത്തിറക്കിയ ഐഫോണ്‍ 12 മോഡലുകളുടെ അതേ വിലയ്ക്ക് ആപ്പിള്‍ ഐഫോണ്‍ 13 സീരീസ് പുറത്തിറക്കും. ഐഫോണ്‍ 13 മിനി, ഐഫോണ്‍ 13, ഐഫോണ്‍ 13 പ്രോ, ഐഫോണ്‍ 13 പ്രോ മാക്സ് എന്നീ നാല് ഐഫോണ്‍ മോഡലുകള്‍ ആപ്പിള്‍ പുറത്തിറക്കുമെന്ന് ഇന്നുവരെയുള്ള റിപ്പോര്‍ട്ടുകള്‍ സൂചിപ്പിക്കുന്നു. ഈ ഹാന്‍ഡ്‌സെറ്റുകളില്‍ ആപ്പിളിള്‍ എ 15 5nm + ചിപ്സെറ്റ്, അപ്ഗ്രേഡു ചെയ്ത ക്യാമറ സംവിധാനങ്ങള്‍, മുന്‍വശത്തെ ചെറിയ നോച്ചുകള്‍ എന്നിവ ഉള്‍പ്പെടും. എല്ലാ വേരിയന്റുകളിലും അമോലെഡ് പാനലുകള്‍ നല്‍കിയേക്കും.
പ്രോ മോഡലുകളില്‍ 120 ഹെര്‍ട്‌സ് റിഫ്രഷ് റേറ്റുണ്ടാകുമെന്ന് പറയുന്നു. കഴിഞ്ഞ വര്‍ഷത്തെ ഐഫോണുകളില്‍ നല്‍കിയിരിക്കുന്നതിനേക്കാളും സ്റ്റോറേജ് ഓപ്ഷനുകള്‍ 512 ജിബിയായി പരിമിതപ്പെടുത്തിയിരിക്കുന്നു. ലോഞ്ച് തീയതിയും ഐഫോണ്‍ 13 സീരീസിന്റെ സവിശേഷതകളും അറിയാവുന്നതിനാല്‍ വരാനിരിക്കുന്ന ആപ്പിള്‍ ഡിവൈസുകളെ കുറിച്ച് ഇതുവരെ സൂചനകളൊന്നും ലഭിച്ചിട്ടില്ല.
