ന്യൂഡല്ഹി: ഇന്ത്യയിലേക്കുള്ള പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ച് ഫ്രാന്സിസ് മാര്പാപ്പ. പ്രധാനമന്ത്രിയുടെ ക്ഷണം മാര്പാപ്പ സ്വീകരിച്ചതായി വിദേശകാര്യ മന്ത്രാലയം സ്ഥിരീകരിച്ചു. അധികം വൈകാതെ പോപ്പ് ഇന്ത്യയിലെത്തും.
മാര്പ്പാപ്പയുടെ ഇന്ത്യാ സന്ദര്ശനം ഉടനുണ്ടായേക്കുമെന്നും വലിയ സമ്മാനമാണ് ഇന്ത്യ നല്കിയിരിക്കുന്നതെന്ന് മാര്പാപ്പ പ്രതികരിച്ചതായി വിദേശകാര്യ സെക്രട്ടറി ഹര്ഷ് വര്ധന് സിംഗ്ല വാര്ത്താ സമ്മേളത്തില് അറിയിച്ചു.
രണ്ട് പതിറ്റാണ്ടിന് ശേഷമാണ് മറ്റൊരു മാര്പ്പാപ്പ ഇന്ത്യാ സന്ദര്ശനത്തിന് എത്തുന്നത്. മുന്പ് ഇന്ത്യാ സന്ദര്ശനത്തിന് അദ്ദേഹം താല്പര്യം അറിയിച്ചിരുന്നെങ്കിലും പ്രാവര്ത്തികമായില്ല. ഇന്ന് പ്രധാനമന്ത്രി നരേന്ദ്രമോദിയുമായുള്ള കൂടിക്കാഴ്ചയാണ് സന്ദര്ശനത്തിന് വഴിയൊരുക്കിയത്. അഗോളതാപനം, ഭീകരവാദം അടക്കമുള്ള വിഷയങ്ങളിലും കൂടിക്കാഴ്ചയില് ഇരു ലോക നേതാക്കളും ആശയവിനിമയം നടത്തി.