ശ്രീനഗർ: കശ്മീരില് മൊബൈല് ഇന്റര്നെറ്റ് സേവനങ്ങള് റദ്ദാക്കി. റിപ്പബ്ലിക് ദിനാഘോഷങ്ങളുടെ ഭാഗമായി സുരക്ഷ മുൻനിർത്തിയാണ് ഇന്റര്നെറ്റ് റദ്ദാക്കിയതെന്നാണ് കേന്ദ്രസര്ക്കാര് വിശദീകരണം. 2005 മുതൽ സ്വാതന്ത്ര്യദിനത്തിലും റിപ്പബ്ലിക് ദിനത്തിലും കശ്മീരില് ഇന്റര്നെറ്റ് സേവനങ്ങള് താല്ക്കാലികമായി നിര്ത്തിവെക്കാറുണ്ട്.
2005 സ്വാതന്ത്ര്യദിനത്തില് മൊബൈല് ഫോണ് ഉപയോഗിച്ച് ഒരു സമ്മേളന വേദിയില് ഭീകരവാദികള് സ്ഫോടനം നടത്തിയിരുന്നു. ഇതിന് ശേഷം സുരക്ഷാ ക്രമീകരണങ്ങള് ഏർപ്പെടുത്തിയത്. പ്രത്യേക സംസ്ഥാന പദവി റദ്ദാക്കിയ നിയമനിര്മ്മാണത്തിന് ശേഷം നരേന്ദ്ര മോദി സര്ക്കാര് മാസങ്ങളോളം കശ്മീരില് ഇന്റര്നെറ്റ് നിരോധനം ഏര്പ്പെടുത്തിയിരുന്നു.