ന്യൂഡല്ഹി: ജെ.എന്.യു മുന് വിദ്യാര്ത്ഥി യൂണിയന് പ്രസിഡന്റും സിപിഐ നേതാവുമായ കനയ്യ കുമാര് കോണ്ഗ്രസില് ചേരുമെന്ന് സൂചന. കോണ്ഗ്രസ് നേതാവ് രാഹുല് ഗാന്ധിയുമായി അദ്ദേഹം കൂടിക്കാഴ്ച നടത്തിയതോടെയാണ് അഭ്യൂഹങ്ങള് ശക്തമായത്.
ശക്തരായ യുവ നേതാക്കളില്ലാത്ത പാര്ട്ടിയില് കനയ്യകുമാറിന്റെ വരവ് ഗുണം ചെയ്യുമെന്നാണ് കോണ്ഗ്രസിന്റെ കണക്കുകൂട്ടല്.
സിപിഐ ദേശീയ എക്സിക്യൂട്ടീവ് അംഗമായ കനയ്യ കുമാര് പാര്ട്ടിയില് അതൃപ്തനാണെന്നാണ് സൂചന. ഇതാണ് കോണ്ഗ്രസിലേക്ക് അദ്ദേഹത്തെ അടുപ്പിക്കുന്നത്. വിഷയത്തെക്കുറിച്ച് സിപിഐ ജനറല് സെക്രട്ടറി ഡി. രാജ പ്രതികരിച്ചത് അഭ്യൂഹങ്ങള് താനും കേട്ടിരുന്നുവെന്നും എന്നാല് കഴിഞ്ഞയാഴ്ച ചേര്ന്ന ദേശീയ എക്സിക്യൂട്ടീവ് യോഗത്തില് കനയ്യ പങ്കെടുത്ത് സംസാരിച്ചിരുന്നു എന്നത് മാത്രമാണ് തനിക്ക് അറിയാവുന്നതെന്നാണ്.