ന്യൂഡല്ഹി: ട്രെയിനുകളില് കുലുക്കമില്ലാത്ത യാത്ര ഉറപ്പുവരുത്താന് പുതിയ സംവിധാനവുമായി ഇന്ത്യന് റെയില്വേ.നവീകരണത്തിന്റെ ഭാഗമായി പുതിയ കപ്ലറുകള് ട്രെയിനുകളില് ഘടിപ്പിക്കുന്നതോടെ യാത്രക്കാര്ക്ക് ഇനി കുലുക്കമില്ലാത്ത യാത്ര ചെയ്യാനാകുമെന്നാണ് ഇന്ത്യന് റെയില്വേയുടെ പ്രതീക്ഷ.
സുഖകരമായ യാത്രയ്ക്ക് സഹായകമേകുന്നത് പുതിയ കപ്ലറുകള് ഉപയോഗിച്ച് ഘടിപ്പിക്കുന്ന എല്.എച്ച്.ബി. കോച്ചുകളാണ്. കോച്ചുകള്ക്കിടയിലെ വിടവ് കുറയുന്നതും യാത്രയിലെ കുലുക്കം കുറയ്ക്കാന് സഹായിക്കും. ആദ്യഘട്ടത്തില് ശതാബ്ദി, രാജധാനി ട്രെയിനുകളിലാണ് എല്.എച്ച്.ബി. കോച്ചുകള് ഘടിപ്പിച്ചിരിക്കുന്നത്.
പുതിയ കപ്ലറുകള് ഘടിപ്പിച്ച 12000-ലേറെ എല്.എച്ച്.ബി. കോച്ചുകള് ട്രെയിനുകളില് ഘടിപ്പിച്ചിട്ടുണ്ട്. . ആറുമാസത്തിനുള്ളില് 5000 ട്രെയിനുകളില് പുതിയ കോച്ചുകള് ഘടിപ്പിക്കാനാകുമെന്നാണ് റെയില്വേയുടെ പ്രതീക്ഷ.