കുവൈത്ത് സിറ്റി: ഇന്ത്യ, കുവൈത്ത് നയതന്ത്ര ബന്ധത്തിന്റെ 60ാം വാര്‍ഷികാഘോഷ ഭാഗമായി കുവൈത്ത് ടവറില്‍ ഇന്ത്യയുടെയും കുവൈത്തിന്റെയും ദേശീയപതാകയുടെ നിറമണിയിച്ചു. ആറുപതിറ്റാണ്ടായി ഊഷ്മളമായ സൗഹൃദബന്ധമാണ് ഇന്ത്യക്കും കുവൈത്തിനുമിടയില്‍ ഉള്ളതെന്നും 2021 വര്‍ഷം ഈ ബന്ധത്തില്‍ നാഴികക്കല്ലാണെന്നും ഇന്ത്യന്‍ അംബാസഡര്‍ സിബി ജോര്‍ജ് പ്രതികരിച്ചു.
പരസ്പര വിശ്വാസം, മനസ്സിലാക്കല്‍, സഹകരണം എന്നിവയില്‍ അധിഷ്ഠിതമായ ഉഭയകക്ഷി ബന്ധം ശക്തിപ്പെടുത്താന്‍ പ്രതിജ്ഞാബദ്ധമാണെന്ന് അദ്ദേഹം കൂട്ടിച്ചേര്‍ത്തു.
INDIA-KUWAIT DYNAMIC PARTNERSHIP: A reassuring message of support &solidarity from India's traditional & close friend #Kuwait in this collective battle against COVID-19. Lighting up the #KuwaitTowers in Tricolor 🇮🇳 to extend best wishes.#IndiaKuwaitFriendship #Unite2FightCorona pic.twitter.com/idhpukPuCh
— India in Kuwait (@indembkwt) May 26, 2021
ഇന്ത്യ ദേശീയ ഐക്യദിനാചരണം നടത്തുന്ന ദിവസത്തില്‍ കുവൈത്ത് ടവറില്‍ ഇന്ത്യയുടെ ത്രിവര്‍ണ പതാക അലങ്കരിക്കപ്പെട്ടത് ശ്രദ്ധേയമാണെന്നും കുവൈത്ത് ഭരണകൂടവും ജനതയും നല്‍കുന്ന സ്‌നേഹത്തിനും പിന്തുണക്കും നന്ദി അറിയിക്കുന്നതായും അംബാസഡര്‍ പറഞ്ഞു.
