രാമേശ്വരം:ശ്രീലങ്കന്‍ നാവികസേന ഇന്ത്യന്‍ പൗരന്മാരായ നാലു മത്സ്യത്തൊഴിലാളികളെ പിടികൂടിയതായി റിപ്പോര്‍ട്ട്. ഇന്ന് പുലര്‍ച്ചെ ഡെല്‍ഫ്റ്റ് ദ്വീപിന് സമീപത്ത് നിന്നാണ് ഇവരെ കസ്റ്റഡിയിലെടുത്തത്. ഇവര്‍ സഞ്ചരിച്ചിരുന്ന ബോട്ടും ലങ്കന്‍ സേന കസ്റ്റഡിയില്‍ എടുത്തു.
One boat along with 4 fishermen of Rameswaram, Tamil Nadu, apprehended by Sri Lankan Navy near Delft island in the early hours today. They have been taken to Kangesanthurai naval camp
— ANI (@ANI) August 13, 2019
തമിഴ്‌നാട്ടിലെ രാമേശ്വരത്ത് നിന്ന് മത്സ്യബന്ധനത്തിന് പോയവരാണ് പിടിയിലായത്. മത്സ്യത്തൊഴിലാളികളെ കങ്കേഷന്‍തുറൈ നാവിക താവളത്തിലേക്ക് മാറ്റിയിരിക്കുകയാണെന്നാണ് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തിരിക്കുന്നത്.
