കുവൈറ്റ് സിറ്റി: കൊവിഡ് വ്യാപനത്തെ തുടര്‍ന്ന് കുവൈറ്റ് പ്രഖ്യാപിച്ച യാത്രാ നിരോധനത്തിന്റെ പശ്ചാത്തലത്തില്‍ നാട്ടില്‍ കുടുങ്ങിപ്പോയ പ്രവാസികളുടെ വിവരങ്ങള്‍ ഇന്ത്യന്‍ എംബസി ശേഖരിക്കുന്നു. ഇതുമായി ബന്ധപ്പെട്ട് വിവരങ്ങള്‍ കുവൈറ്റ് അധികൃതരുടെ ശ്രദ്ധയില്‍പ്പെടുത്തുന്നതിനും തുടര്‍ നടപടികള്‍ സ്വീകരിക്കുന്നതിനു വേണ്ടിയുമാണ് പുതിയ രജിസ്‌ട്രേഷന്‍ ഡ്രൈവ് നടത്തുന്നത്.
കഴിഞ്ഞ വര്‍ഷവും ഇതുപോലെ ഇന്ത്യയിലുള്ള കുവൈത്ത് പ്രവാസികളുമായി ബന്ധപ്പെട്ട വിവരങ്ങള്‍ എംബസി ശേഖരിച്ചിരുന്നു. കഴിഞ്ഞ വര്‍ഷം വിവരങ്ങള്‍ നല്‍കിയവരും പുതുതായി രജിസ്റ്റര്‍ ചെയ്യണമെന്ന് എംബസി അധികൃതര്‍ അറിയിച്ചു. https://forms.gle/sExZK1GKW36BLpVz7 എന്ന ലിങ്ക് വഴി ഗൂഗ്ള്‍ ഫോമിലാണ് വിവരങ്ങള്‍ നല്‍കേണ്ടത്.
