തിരുവനന്തപുരം: ഇന്ത്യയില്‍ കമ്മ്യൂണിസ്റ്റ് പാര്‍ട്ടികള്‍ വലിയ വെല്ലുവിളിയാണ് നേരിടുന്നതെന്ന് മുഖ്യമന്ത്രി പിണറായി വിജയന്‍. ബംഗാളിലും തൃപുരയിലും കേന്ദ്ര സര്‍ക്കാരിന്റെ പിന്തുണയോടെ സി പി എം പ്രവര്‍ത്തകരെ വേട്ടയാടുകയാണെന്നും മുഖ്യമന്ത്രി പറഞ്ഞു. രാജ്യത്ത് ബദല്‍ നയം നടപ്പാക്കാന്‍ ഇടതുപക്ഷത്തിന് മാത്രമേ സാധിക്കുകയുള്ളൂ. സ്ത്രീകളെ ഇരുണ്ട കാലത്തേക്ക് തള്ളാന്‍ കഴിയില്ലെന്ന പ്രഖ്യാപനമായിരുന്നു വനിത മതിലെന്ന് പറഞ്ഞ മുഖ്യമന്ത്രി കാലുമാറില്ല എന്ന് ഉറപ്പുള്ളവരെ മാത്രമേ തെരഞ്ഞെടുപ്പില്‍ ജനങ്ങള്‍ വിജയിപ്പിക്കാവൂ എന്നും ആഹ്വാനം ചെയ്തു.
കേരളത്തെ ഇരുണ്ടകാലത്തേക്ക് തിരികെ കൊണ്ടുപോകാനും, ജനങ്ങളെ ഇടതുപക്ഷത്തില്‍ നിന്നകറ്റാനും ചിലര്‍ ബോധപൂര്‍വം ശ്രമിക്കുകയാണ്. ശബരിമല പ്രശ്‌നത്തില്‍ ബിജെപി നിലപാടിനൊപ്പമാണ് യുഡിഎഫ് നിന്നതെന്നും ഇടതുപക്ഷത്തെ എതിര്‍ക്കുക എന്ന അജന്‍ഡ ഒന്നു കൊണ്ടു മാത്രമാണ് മുസ്ലീംലീഗ് പോലും ഈ സമീപനം സ്വീകരിച്ചതെന്നും പിണറായി പറഞ്ഞു.
