സിഡ്നി: ഇന്ത്യ- ഓസ്ട്രേലിയ ആദ്യ ഏകദിന മത്സരത്തിനിടെ ഗൗതം അദാനിക്കെതിരെ പ്രതിഷേധവുമായി ആരാധകര്‍. നോ 1 ബില്യണ്‍ ഡോളര്‍ അദാനി ലോണ്‍ എന്ന പ്ലക്കാര്‍ഡുമായാണ് പ്രതിഷേധക്കാര്‍ ഗ്രൗണ്ടിലിറങ്ങിയത്. ഓസ്ട്രേലിയന്‍ ഖനി കമ്പനിക്ക് എസ്ബിഐ ബാങ്ക് വായ്പ അനുവദിക്കുന്നതിനെ എതിര്‍ത്തതാണ് പ്രതിഷേധത്തിനു കാരണം.
ഓസ്ട്രേലിയന്‍ ഇന്നിംഗ്സില്‍ നവദീപ് സൈനി എറിഞ്ഞ ആറാം ഓവറിലാണു സംഭവം. പ്ലക്കാര്‍ഡുമായി പ്രതിഷേധക്കാര്‍ ഗ്രൗണ്ടിലിറങ്ങിയതിന് പിന്നാലെ ഗ്രൗണ്ട് സുരക്ഷാ ഉദ്യോഗസ്ഥര്‍ ഇവരെ പിടികൂടി ഗ്രൗണ്ടില്‍ നിന്നു നീക്കി. അദാനിയുടെ ക്വീന്‍സ് ലാന്‍ഡ് പദ്ധതിക്കെതിരെ രാജ്യത്ത് വലിയ പ്രതിഷേധമാണു നടക്കുന്നത്. ഓസ്ട്രേലിയയില്‍ മത്സരം നടക്കുന്നത് 50 ശതമാനം കാണികളെ മാത്രം അനുവദിച്ചു കൊണ്ടാണ്.
